முரண் சுவையும் நகைமுரணும்

"நெருப்பில் பூத்த மலர் "
அழகியச் சொற்றொடர்
இலக்கியத்தில் முரண் சுவை

நடைமுறைச் சாத்தியத்தில்
யதார்த்தத்தில் நகைமுரண்

"தண்ணீரில் நிற்கும்போதும் வேர்ப்பது "
இனிக்கிற வாக்கியம்
கவிதைக்கு முரண் சுவை

யதார்த்தமாய் சிந்திக்கையில்
நடைமுறையில் நகைமுரண்

"கட்சியே குடும்பமாய்.."
வித்தியாசமான அணுகுமுறை
அரசியலில் முரண்சுவை

"குடும்பமே கட்சியாய் .."
அரசியலில்  நகைமுரண்

வேறு கோணத்தில் பார்க்க
முரண்சுவை  நகைமுரணாவதை
சொல்லிப் போனவிதம் முரண் சுவை

இந்த விதண்டாவாதத்தை
ஒரு கவியாக்கிக் கொடுத்தது
 நிச்சயம்  நகைமுரண்