எங்கள் எளிய இனிய முதல்வரே

அமைதிக்கும்
இயலாமைக்கும்
வித்தியாசம் தெரியாதவனே
அமைதியைக்
குறைவாய் மதிப்பிடுகிறான்

பொறுமைக்கும்
எருமைமாட்டுத்தனத்திற்கும்
வித்தியாசம் தெரியாதவனே
பொறுமையைக்
குறைவாய் மதிப்பிடுகிறான்

பணிவிற்கும்
பயத்திற்கும்
வித்தியாசம் தெரியாதவனே
பணிவினைக்
குறைவாய் மதிப்பிடுகிறான்

அமைதியாய்
பொறுமையாய்
பணிவாய்
மிக மிக நேர்த்தியாய்
செயலாற்றும்

எங்கள் முதல்வரே
எளிய இனிய முதல்வரே

கடல் நீரை மறைத்திருக்கும்
பனிக்கட்டிகள்
கடலல்ல

இன்று
கட்சியைக் கைப்பற்றியவர்கள்
தொண்டர்களின்
மனப்பிரதிபலிப்புமல்ல

பதவியால் பெருமைகொள்பவர்கள் 
மக்களின்
மனமறிந்தவர்களுமல்ல

வெள்ளைக் கோழிக்கு
வர்ணம் பூசி
வெகு நாட்கள்
ஏமாற்றமுடியாது

மழை வந்தால்
அது வெள்ளைக் கோழியென
உலகுக்குத் தெரிந்துவிடும்

அப்படித்தான்
தேர்தல் வந்தாலும்....

இதுவரை
குடியரசு  நாளில்
எந்தத்  தமிழக  முதல்வரும் பெறாத
பேறு  பெற்றதுக்  கூட
அதிர்ஷ்டத்தினால்  அல்ல
அது
இறைவனின் ஆசியால் தான்

இனிய குடியரசு தின
நல்வாழ்த்துக்களுடன்...