எழுதிக் கொண்டே இருப்போம்

எழுதிக் கொண்டே இருப்போம்--நாம்
எழுதிக் கொண்டே இருப்போம்

வலிமை கொண்டு அதர்மம்-இங்கு
எளிதாய் வெல்லும் சூழல்
அழிவு காணும் வரையில்--முழுதாய்
அடங்கி ஒடுங்கும் வகையில்      (எழுதிக் )

எளிமை தூய்மை  எல்லாம் _இங்கு
ஏற்றம் கொள்ளும் சூழல்
நிலையாய் ஆகும் வரையில்-என்றும்
நிலைத்து வாழும் வகையில்     (எழுதிக் )

பொய்மைப் போலி எல்லாம்--இங்குத்
தலைமை ஏற்கும் சூழல்
நைந்து போகும் வரையில்-முழுதாய்த்
தொலைந்துச் சாகும் வகையில்   (எழுதிக் )

உண்மை நேர்மை எல்லாம்--இயல்பாய்
ஏற்றம் கொள்ளும் சூழல்
திண்மை கொள்ளும் வரையில்--நல்லோர்
துணிவு கொள்ளும் வகையில்    (எழுதிக் )