நிறைவின் சூட்சுமம்
எடுப்பதை விட வைப்பது
கூடுதலாய் இருக்க வேண்டும் என்பதில்
கவனமாய் இருக்கிறேன்
இருப்பது எப்போதும்
நிறைவாகவே இருக்கிறது
பெறுதலை விட கொடுப்பது
அதிகமாயிருத்தல் அவசியம் என்பதில்
தெளிவாய் இருக்கிறேன்
இருப்பது எப்போதும்
குறையாதே இருக்கிறது
கூலியை விட உழைப்பது
மிஞ்சி இருக்கவேண்டும் என்பதில்
உறுதியாய் இருக்கிறேன்
வளர்ச்சி எப்போதும்
என் வழியிலேயே குடியிருக்கிறது
பதவியை விடத் தகுதி
உயர்ந்திருக்கவேண்டும் என்பதில்
சமரசம் கொள்ளாதிருக்கிறேன்
பதவிகள் எமையடைய
நாளும் தவமிருக்கின்றன
பேசுதலை விட கேட்பது
கூடுதலாய் இருக்கவேண்டும் என்பதில்
சரியாய் இருக்கிறேன்
கேட்பதற்கெனவே ஒரு கூட்டம்
எப்போதும் காத்திருக்கிறது
எழுதுவதை விட படிப்பது
அளவு கடக்க வேண்டும் என்பதில்
அதிக அக்கறை கொள்கிறேன்
எழுதுவதற்கு விஷயங்கள்
வற்றாது பெருகுகிறது
கடந்ததை விட கடப்பதில்
கவனம் அவசியம் என்பதில்
கவனமாகவே இருக்கிறேன்
வாழ்க்கை என்றும் எப்போதும்
இனிதாகவே கடக்கிறது
( இங்கு நான் என்பதும் எனக்கு என்பதும்
என்னை மட்டும் குறிப்பதில்லை
வாழ்வின் சூட்சுமம் அறிந்தவர்கள்
அனைவரையும்தான் )
ஆகா... தெளிவான எண்ணங்கள்...
ReplyDeleteவணக்கம் சகோதரரே
ReplyDeleteஅருமையான அறிவு சார்ந்த அறிவுரைகள். உங்கள் எண்ணங்கள் அனைத்தும் மிகச் சிறப்பாக அனைவருக்குமே பயனுள்ளதாக இருக்கிறது. பகிர்வுக்கு மனம் நிறைந்த வாழ்த்துக்களும், வந்தனங்களும். நன்றி.
நன்றியுடன்
கமலா ஹரிஹரன்.
மிகவும் உபயோகமான அறிவுரை.
ReplyDeleteகருத்துக்ளை கடைபிடிப்போம் அதன்படி நடப்பது தான் தர்மம்.
ReplyDeleteஉண்மையிலேயே நிறைவின் சூட்சுமம் இதுதான்... இவைகள்தான்.
ReplyDeleteமிக நன்று.
ReplyDelete