கண்ணன் வாயில் பூமி என்றால் கண்ணன் நின்றது ?.....

கண்ணன் திருவாய்த் திறக்க
அதில் உலகம் தெரிந்ததாய்
சிறுவயதில் கேட்டக் கதை
எனக்குச் சிரிப்பை
வரவழைத்ததுண்டு

பின்னர்
கல்லூரிக் காலங்களில்
கண்ணன் வாயில் பூமி என்றால்
கண்ணன் நின்றது எங்கே என்று
ஒரு பகுத்தறிவுவாதி சொல்ல அதை
மிகவும் இரசித்ததுண்டு

இப்போது
யசோதையினைப் போலவே

எனது கணினிவாய்த் திறந்து
அதன் மூலமே
உலகம் முழுவதையும்
மிக எளிதாய்க் கண்டு வருகிறேன்
உலகில் இருந்து கொண்டே

முன்னர் சிரித்ததையும்
பின்னர் இரசித்ததையும்
மெல்ல அசைபோட்டப்படி
அவைகளை
மறுபரிசீலனக்கு உட்படுத்தியபடி