காலமும் வாழ்வும்

நாங்கள்  பயணித்துக்கொண்டிருந்த

புகைவண்டிப் பெட்டிக்குள் 

அந்த அழகிய வண்ணத்துப் பூச்சி

எப்படி வந்தது எனத் தெரியவில்லை

தன் வண்ணங்களில்

தானே கௌரவம் கொண்டபடி

தான் பயணிக்கும்
 திசையையும் வேகத்தையும்

முடிவெடுக்கும் அதிகாரம்

தன்னிடம் இருப்பதான மமதையில்

மிக மிக சந்தோஷமாய்

பெட்டிக்குள் வளைய வந்து கொண்டிருந்தது
அந்த வண்டி குறித்த
எவ்விதப்  புரிதலுமின்றி
 அந்த அழகிய வண்ணத்துப் பூச்சி

பெட்டிக்குள் பயணிக்கும்
 எது குறித்தும்

எவ்வித சிந்தனையுமற்று

வடக்கு திசை நோக்கி

அதி வேகத்தில் பறந்து கொண்டிருந்தது 

அந்த அதிசயப் புகைவண்டி