இரு புதிருக்கு ஒரே விடைபோல

 கனத்த

வெறுமை நிறைந்த அமைதியை

மயான அமைதி என்போம்

பரபரப்பும்

நெருக்கடியும் நிறைந்த இடத்தை

பிரதான சாலை என்போம்

இப்போது இரண்டும் இடம் மாறி

மயானம்

பரபரப்பான சாலையாய்

சாலைகள்

வெறுமை சூழ்ந்த மயானமாய்..

தண்ணீரில் விளையாடிய மீனை

தரையில் போட்ட கதையாய்..

தரையில் உறவாடிய மானை

தண்ணீரில் போட்ட கதையாய்...

தடுமாறுகிறோம்

தத்தளிக்கிறோம்

புரியாத புதிருக்கு விடைதேடி...

புலராத இரவுக்குள் ஒளிதேடி....

ஆயினும் இப்போதும்

எதுவும் கையை மீறவில்லை

கரையைத் தாண்டவில்லை

பரவக் காரணமான நாமே

இப்போது முயன்றால் கூட

அதன் அழிவுக்கும் காரணமாகிவிடக் கூடும்..

ஆம்..இரண்டு புதிருக்கு

விடை ஒன்றே என்பதுபோல்

இருவூருக்கும் வழி ஒன்றே போல்

கொடிய இந்த இரு சூழல்

கூண்டோடி அழிய ஒழிய

அதற்கான வழியும் ஒன்றே

ஆம் இந்தக் கொடிய

கொரோனா சங்கிலிப் பின்னலை

தகர்த்தெரிந்தாலே போதும்

ஆம் சமூக விலகலை

ஒரு நொடியும் விடாது

கடைபிடித்தாலே போதும்....

இனியேனும்

இதைச் செய்யப் பயில்வோம்

நம் சமூகம்

விரைவில் உய்ய முயல்வோம்