Sunday, January 24, 2016

முயற்சியும் வெற்றியும்

அந்தச் சிறு குன்றின் முன்
எதையோ உற்றுப் பார்த்தபடி
நான்கு சிறுவர்கள்
வெகு நேரம் நின்று கொண்டிருந்தார்கள்

நானும் பொறுமை இழந்து
வெகு நேரம் கழித்து
"என்ன பார்க்கிறீர்கள் " என்றேன்

"இங்கிருந்தால் எதிரொலி கேட்கும்
என நண்பர்கள் சொன்னார்கள்
நாங்களும் வெகு நேரம் நிற்கிறோம்
எந்த ஒலியும் கேட்கவில்லை "
என்றார்கள் சலிப்புடன்

"நீங்கள் ஒலி எதுவும் எழுப்பினீர்களா ? "என்றேன்

"இல்லை ஏன் ஒலி எழுப்பினால்தான் கேட்குமா ?"
என ஆச்சரியத்துடன் கேட்டார்கள்

நான் சிரித்துக் கொண்டேன்
எதிரொலி குறித்துச் சொன்னவர்கள்
குரல் கொடுக்கச் சொல்லித் தராதது
ஆச்சரியமாக இருந்தது

"குரல் கொடுத்தால்தான் கேட்கும்
அதுவும் நீங்கள் எதைச் சொல்கிறீர்களோ
எப்படிச் சொல்கிறீர்களோ அப்படித்தான் கேட்கும்
சப்தத்தை திருப்பிவிடத் தெரியுமே ஒழிய
அதற்கென தனியாக குரலில்லை " என்றேன்

அவர்கள் முதலில்
வினோதமான சப்தங்களை எழுப்பினார்கள்
அது திரும்பச் சொல்லச் சொல்ல
புதிது புதிதான நல்ல வார்த்தைகளை
சொல்லத் துவங்கினார்கள்

ஏதோ அறியாத ஒரு அரிய புதிரை
அறிந்த மகிழ்ச்சி அவர்கள் முகத்தில் தெரிந்தது
இனி அவர்கள் வெறுமனே நின்று
எதிரொலியை எதிர்பார்க்கமாட்டார்கள் என அறிய
மகிழ்ச்சியாய் இருந்தது

நான் என் வழியில் நடக்கத் துவங்கினேன்

11 comments:

RAMJI said...

நல்ல கருத்தான கதை கேளுங்கள் தரப்படும்

தேன்மதுரத்தமிழ் கிரேஸ் said...

நாம் சத்தம் எழுப்பினால் தானே எதிரொலி வரும்...பல எண்ணங்களைத் தோற்றுவிக்கிறது. அருமையான கவிதை ஐயா

வெங்கட் நாகராஜ் said...

அருமையான கவிதை.....

திண்டுக்கல் தனபாலன் said...

அருமை...

நிஷா said...

நிஜம்!

Thulasidharan V Thillaiakathu said...

அருமை!

அருணா செல்வம் said...

எதிரொலி.... நாம் சொல்வதை மட்டுமே எதிரொலிக்கும்...
அருமை இரமணி ஐயா.

ரூபன் said...

வணக்கம்
ஐயா
உண்மை உண்மை... த.ம 6
-நன்றி-
-அன்புடன்-
-ரூபன்-

Dr B Jambulingam said...

நல்ல சிந்தனை.

Jeevalingam Yarlpavanan Kasirajalingam said...

சிறந்த பகிர்வு

இந்தியாவின் 67வது குடியரசு நாள் வாழ்த்துகள்!

மின்நூல் வடிவமைப்பும் வெளியீடும் பற்றி அறிந்திட......
http://www.ypvnpubs.com/2016/01/blog-post_26.html

‘தளிர்’ சுரேஷ் said...

அருமை! வாழ்த்துக்கள்!

Post a Comment