மலரோடு உறவாடி
மகிழ்வோடு வலம்போகும்
நிலவோடு உறவாட
நினைவெல்லாம் பூமணக்கும்
கரையோடு தினம்கூடி
களிப்போடு சதிராடும்
அலையோடு நினைவோட
நுரைபொங்கும் மனமெங்கும்
மலையரசன் உடல்தழுவி
மதிமயங்கித் தரைநழுவும்
குளிரருவி நிலையுணர
மனமாகும் குற்றாலம்
தண்மலரைக் கூடிமனக்
களிப்போடு உலாபோகும்
வண்டினத்தின் சுகமறிய
மனம்கொள்ளும் ரீங்காரம்
இயற்கையுடன் இணைந்துவிடும்
இளம்மனது வாய்த்துவிட்டால்
இயற்கையதன் சுகம்யாவும்
யாவருக்கும் இலவசமே
கணந்தோறும் மகிழ்வோடு
சூழலிலே மயங்கவிழும்
மனமதுவும் கொண்டுவிட்டால்
கவிநூறு நம்வசமே
மகிழ்வோடு வலம்போகும்
நிலவோடு உறவாட
நினைவெல்லாம் பூமணக்கும்
கரையோடு தினம்கூடி
களிப்போடு சதிராடும்
அலையோடு நினைவோட
நுரைபொங்கும் மனமெங்கும்
மலையரசன் உடல்தழுவி
மதிமயங்கித் தரைநழுவும்
குளிரருவி நிலையுணர
மனமாகும் குற்றாலம்
தண்மலரைக் கூடிமனக்
களிப்போடு உலாபோகும்
வண்டினத்தின் சுகமறிய
மனம்கொள்ளும் ரீங்காரம்
இயற்கையுடன் இணைந்துவிடும்
இளம்மனது வாய்த்துவிட்டால்
இயற்கையதன் சுகம்யாவும்
யாவருக்கும் இலவசமே
கணந்தோறும் மகிழ்வோடு
சூழலிலே மயங்கவிழும்
மனமதுவும் கொண்டுவிட்டால்
கவிநூறு நம்வசமே
9 comments:
Just Super Sir/-
இன்று போல் என்றும் இளய மனம் கொண்டிருக்கக் கடவீர்.
Just pass
வாழ்த்துக்கு மனமார்ந்த நல்வாழ்த்துக்கள்
ரசித்தேன் ஐயா...
அருமையான ஆக்கம். பாராட்டுகள். வாழ்த்துகள்.
செயற்கை இல்லாவிடில்
எல்லாம் இயற்கையே
செயற்கைக்கு செலவு செய்ய
கையில் காசு வேண்டும்
அது இயற்கையை
மாசு படுத்தும்
இயற்கையோ இலவசமாய் அளவில்லாது
வழங்கி மனிதர்கள் உண்டாக்கிய அனைத்து
மாசுகளை நீக்கும்
இயற்கையோடு இணைந்த வாழ்க்கையே
இன்பம் தரும் வாழ்க்கை.
அருமை
வரிகள் வசமாய் வந்திருக்கின்றன.
Post a Comment