திருடனைத் தாண்டி...
"அதோ திருடன் அதோ திருடன்
விடாதே பிடி "
எனக் கைகாட்டிக் கத்தியபடி
சங்கிலி அறுத்தத் திருடன்
முன்னே ஓடிக் கொண்டிருக்க...
அவன் சொல் கேட்டு
அவனை விடுத்து
அவனைத் தாண்டி
வெறியோடு விரைகிறது.....
சாதிக்கப் போகும் நினைப்பில்
யோசிக்கும் திறன் இழந்த ஒரு சிறுகும்பல் ...
"கார்ப்பரேட்டுக்குச் சலுகை
கார்ப்பரேட்டுக்கு விலக்கு
எனப் பெருங்கூச்சலிட்டபடி
பம்மாத்துப் பண்ணிக் கொண்டிருக்கிறது
சில கார்ப்பரேட் கட்சிகளும்
அவைகளின் ஊதுகுழலாய் சில ஊடகங்களும்....
அவர்கள் ஜாலவித்தையில்
அவர்களை விடுத்து
அவர்கள் காட்டுமிடம் மட்டிலுமே
கவனம் கொள்கிறது.....
எல்லாம் அறிந்ததான நினைப்பில்
ஏதுமறியாதே வளர்ந்த அந்தச் சிறுமந்தை
2 comments:
ஊடகம் ஊ ஊ ஊ...
வேதனை
Post a Comment