லெட்சுமணக் கோடு

பொறுமை கொஞ்சம்
அளவை மீறினால்
அது எருமை மாட்டுத்தனமே

சிக்கனம் கொஞ்சம்
கூடுதலாகிப் போனால்
அது கஞ்சத்தனமே

உரிமையும் கொஞ்சம்
எல்லை மீறினால்
அது அடாவடித் தனமே

அறவுரையும் கொஞ்சம்
அளவைத் தாண்டினால்
அது எல்லை மீறலே

பாண்டித்தியமும் கொஞ்சம்
அளவு தாண்டினால்
அதுவும் பாமரத்தனமே

அமிர்தமும் கொஞ்சம்
அளவு கூடினால்
நிச்சயம் அது விஷமே

சாலை விதிகளில்
கடக்கக் கூடாத
மஞ்சள் கோட்டைப் போன்றே

வாழ்க்கைப் பாதையிலும்
கடக்கக் கூடாத
லெட்சுமணக் கோடுண்டு

அறிந்து தெளிவு பெறுவோம்
தொடர்ந்து சிகரம் தொடுகின்ற
சூட்சுமம் அறிந்து உயர்வோம்