Tuesday, February 6, 2018

அதைப் போலவும்....

எண்ணம் மட்டும்
நல்லதாய்க்  கொண்டால்
நிச்சயம் செயலெல்லாம்
சிறப்பானதாகத்தான் இருக்கும்

அது தெரியத்தான் செய்கிறது

செயலில் மட்டும்
கவனமாய்  இருந்தால்
உறவுகள் எல்லாம்
சிறப்பானதாகத்தான் அமையும்

அது புரியத்தான் செய்கிறது

உறவுத் தெரிவு மட்டும்
சரியாக இருந்தால்
இவ்வுலக வாழ்வே
சொர்க்கமாகத்தான் இருக்கும்

அது நிஜமெனத்தான் தெரிகிறது

ஆயினும் என்ன செய்ய...?

ஆள்பவர்களை மட்டும்
மிகச் சரியானவர்களாக
தேர்ந்தெடுத்துவிட்டால்
நாடு நன்றாக இருக்கும்
எனது தெரிந்தும்

நாமும் நலமாகத்தான் இருப்போம்
எனத் தெரிந்தும்...

பணத்திற்கும்
வேறு எதெதற்கோ
ஆசைப்பட்டு அடிமைப்பட்டு
காலம் காலமாய்
பாழ்ப்பட்டுக் கிடக்கிறோமே
அவதிப்பட்டுக் கிடக்கிறோமே

அதைப் போலவும்....

(முழுவதையும்
விளக்கத்தான் வேண்டுமா என்ன  ? )

3 comments:

Seeni said...

சரிதான்...

athiraமியாவ் said...

நசுக்காகச் சொன்ன விதம் அருமை.

வெங்கட் நாகராஜ் said...

ஆதங்கம்... வெறென்ன சொல்ல....

Post a Comment