அவனே நிச்சயம் உயரந்தவன்...

கடந்த காலத்தில்
செய்ய மறந்தது

எதிர்காலத்தில்
செய்ய வேண்டியது

செய்யாது விட்டது
யார் தவறு ?

இனி யார் வந்தால்
சரியாகச் செய்வார்கள் ?

இவைகள் குறித்து
மிகத் தெளிவாகப்
பேசிக் கொண்டிருப்பவன்  எல்லாம்
எந்த விதத்தில் உயர்ந்தவன் ஆயினும்
அவன் நிச்சயம் மனிதனில்லை

இயன்றதைக் கொடுத்தும்
முடிந்ததைச் செய்தும்
கடந்து கொண்டிருப்பவன் எல்லாம்
எந்த விதத்தில் குறைந்தவன் ஆயினும்
அவனே நிச்சயம் உயரந்தவன்

இயற்கையின் பாதிப்பிற்கு
 எதிரான இந்த
மாபெரும் பணியில்
நாம் மனிதாபிமானமிக்கவராகவே இருப்போம்

எதிலும் அரசியல் லாபம்
காண முயல்வோரை
எந்த நிலை உள்ளவராயினும்
ஒதுக்கிவைத்து  நம் பணியினைத் தொடர்வோம்