அழகின் அலகு

மழை அழகு
மழைக்கால மழை
இன்னும் அழகு

ஆயினும்
கோடைக் கால மழையே
அழகிலும்  கூடுதல் அழகு

நட்பு அழகு
இளமைக்கால நட்பு
இன்னும் அழகு

ஆயினும்
சோதனையில் தொடரும் நட்பே
அழகிலும் கூடுதல் அழகு

கவிதை அழகு
புரிகிறக் கவிதை
இன்னும் அழகு

ஆயினும்
பயன்தரும்  கவிதையே
அழகிலும் கூடுதல் அழகு

அழகே அழகு
பருவ அழகு
இன்னும் அழகு

ஆயினும்
முதிர்ச்சியில் மிளிரும் அழகே
அழகிற்கெல்லாம் கூடுதல் அழகு

ஏனெனில்
அழகு அழகுபெறுவது
அழகினால் மட்டுமாயினும்

அழகு சிறப்புப் பெறுவது
நிச்சயம் அது தரும்
பயன்பொறுத்துத்  தானே