பதிவர் சந்திப்புக் கவிதை (1)

சித்தம் எல்லாம் சென்னை நோக்கித்
திரும்பிக் கிடக்குதே--இன்னும்
பத்து நாளு இருக்கு தேன்னு
புலம்பித் தவிக்குதே

நித்தம் நித்தம் பதிவில்  பார் த்து
ரசித்த பதிவரை-நேரில்
மொத்த மாகப் பார்ப்ப தெண்ணி
மகிழ்ந்து துடிக்குதே

நட்பைத் தொடர பதிவைத் தொடரும்
மொக்கைப் பதிவரும்-சொல்லும்
வித்தை அறிந்து வியக்க வைக்கும்
கவிதைப் பதிவரும்

சித்த மதனில் பேதங் களின்றி
சேரும் நாளிதே -உலகின்
ஒட்டு மொத்த பதிவர் மனமும்
நாடும் நாளிதே

கடவுள் பெருமை நாளும் எழுதி
கலக்கும் பதிவரும் -அதனை
மடமை என்று பதிவு போடும்
புரட்சிப் பதிவரும்

இடமாய் வலமாய் அமர்ந்து நட்பை
சுகிக்கும் நாளிதே
கடலில் நதியாய் விரும்பிச் சேரும்
இனிய நாளிதே

கடமை முடித்துக் கரையில் இருக்கும்
மூத்த பதிவரும் -மிரட்டும்
கடமை ஆற்றைக் கடக்கத் திணரும்
இளைய பதிவரும்

வயது மறந்து நட்பில் உறைந்து
மகிழும் நாளிதே-வாழ்வுப்
பயண நெறியைப் பகிர்ந்துப் புரிந்து
தெளியும் நாளிதே


(தொடரும் )