"கவிதையைக் கேள்வி ஆக்கு "

"என்ன செய்வ திந்தக் கையை "
என்றேன்.
 
"என்ன செய்வ தென்றால்.."
என்றான் சாமி.
 
"கைக்கு வேலை
என்றி ருந்தால் பிரச்னை இல்லை.
மற்ற நேரம், நடக்கும் போதும்
நிற்கும் போதும் இந்தக் கைகள்
வெறுந்தோள் முனைத்தொங்கல்
தாங்காதஉறுத்தல்
வடிவத் தொல்லை "
என்றேன்.

"கையைக் காலாக் " கென்றான்

            .....................சி. மணி


"என்ன செய்வதிந்தக் கவிதையை  "
என்றேன்

"என்ன செய்வதென்றால்... "
என்றான் சாமி

"அர்த்தம் பொருத்தம் என்றிருந்தால்
பிரச்சனை இல்லை .
இல்லையேல்
படிக்கும் போதும்
நினைக்கும் போதும்
இந்தக் கவிதை ,
வெறும் சொல்லடுக்கு
வார்த்தைத் தொங்கல் .
தாங்காத உறுத்தல்
வடிவத்தொல்லை "என்றேன்

"கவிதையைக் கேள்வி ஆக்கு    "
என்றான்