தளரட்டும் உடையட்டும் ஒழியட்டும் தடையெனவே கிடந்தவைகள் எல்லாமே
வளரட்டும் படரட்டும் செழிக்கட்டும்வாழ்விற்கு வளம்சேர்க்கும் எல்லாமே
நகரட்டும் விலகட்டும் மறையட்டும்
சுமையெனவே துயர்தந்த எல்லாமே
பரவட்டும் தொடரட்டும் பலம்பெறட்டும்
நல்லோர்க்கு நலம்சேர்க்கும் எல்லாமே
உடையட்டும் நொறுங்கட்டும் சிதறட்டும்
பொய்மைக்குத் துணைப்போன எல்லாமே
நிறையட்டும் நிமிரட்டும் வலுக்கட்டும்
உண்மைக்கு வலுசேர்க்கும் எல்லாமே
கிழியட்டும் எரியட்டும் அழியட்டும்
கீழ்மைக்குத் துதிபாடும் எல்லாமே
வளரட்டும் உயரட்டும் நிலைக்கட்டும்
உன்னதத்தின் எழில்கூட்டும் எல்லாமே
2 comments:
வணக்கம் சகோதரரே
பதிவு அருமை.
/நகரட்டும் விலகட்டும் மறையட்டும்
சுமையெனவே துயர்தந்த எல்லாமே
பரவட்டும் தொடரட்டும் பலம்பெறட்டும்
நல்லோர்க்கு நலம்சேர்க்கும் எல்லாமே/
உண்மை. வரும் புத்தாண்டிலிருந்து இதுவரை சுமையெனவே துயர் தந்த அனைத்தையும் இறைவன் விலகட்டும் என வேண்டிக் கொள்கிறேன்.
தங்களுக்கும் இனிய புத்தாண்டு நல்வாழ்த்துகள். அனைவருக்கும் அனைத்தும் நன்மை பயப்பதாக நடக்கட்டும்.
அருமையான கவிதைக்கு நன்றி சகோதரரே.
நன்றியுடன்
கமலா ஹரிஹரன்.
Happy New Year...
Post a Comment