"அது "க்குக் கூட

  அடிக்கடி கடிகாரத்தைப் பார்த்தபடி

"கொஞ்சம் சீக்கிரம் 
அடுத்த காரியத்துப் போகவேண்டும் "
அவசரப் படுத்தினார் சாஸ்திரிகள்

"ஜங்ஷனுக்கு அரை மணி நேரத்தில்
போய் விடலாம் இல்லையா"
பக்கத்திலிருந்தவரிடம் பதட்டத்துடன்
கேட்டுக் கொண்டிருந்தார் சித்தப்பா"


ப த்து மணிதான் அதுக்கு மேலே தாங்காது
படபடன்னு வந்திரும்
சாப்பிட்டு மாத்திரை போட்டாகனும் " என
யாரிடமோ சொல்லிக் கொண்டிருந்தார் சம்பந்தி


தூரே மொத்தமாய் நின்றபடி
இன்றைய அரசியல் நிகழ்வு குறித்து
சுவாரஸ்யமாய் பேசிக் கொண்டிருந்தனர்
அலுவலக நண்பர்கள்


"குளத்துத் தண்ணி ரொம்ப மோசம்
வீட்டில் போய் நன்றாகக் குளிக்க வேணும் "என
அவனாகவே முனங்கிக் கொண்டிருந்தான
"அவரின் "  மூத்த மகன்


கண் கலங்கியபடி பேரன் மட்டுமே 
"அவரையே "பார்த்துக் கொண்டிருந்தான்


"அதுக்குக் "கூட
"அதன் "மீது வைக்கிற கொள்ளியை
காலாகாலத்தில் வைத்துத் தொலைத்தால்
தேவலாம் போலத்தான் இருந்தது

வயோதிக நண்பர்களுக்காக..

 

6 செப்டம்பர் 2026, நொய்டா டெல்லி

நாற்காலி (பதவி) போன பிறகு, அறை ஏன் காலியாகிவிடுகிறது..??

• திரு. ராகேஷ் மேத்தா IAS (ஓய்வு பெற்ற டெல்லி அரசு தலைமைச் செயலாளர்) அவர்களின் வாழ்க்கைக் கதையிலிருந்து ஒரு பாடம்.

நாமும் இதையேதான் செய்து கொண்டிருக்கிறோம்.

நம் பிள்ளைகளின் எதிர்காலத்தைப் பாதுகாப்போம், கொஞ்சம் பெயர் சம்பாதிப்போம், கொஞ்சம் பணம் சேமிப்போம், பிறகு நிம்மதியாக வாழலாம் என்று நினைத்து இரவும் பகலும் ஓடிக்கொண்டே இருக்கிறோம்.

ஆனால், இந்த 'பிறகு' என்பது ஒருபோதும் வருவதே இல்லை.

நம்மை உலுக்கிப் பார்க்கும் ஒரு கதை

இன்று டெல்லி வீதிகளில் ஓடும் சிவப்பு நிற தாழ்தளப் பேருந்துகள் (low-floor buses), ஆபத்தான ப்ளூ லைன் பேருந்துகளை அகற்றிய அதிகாரி, 2010 காமன்வெல்த் போட்டிகளுக்காக ஒட்டுமொத்த டெல்லியையும் மாற்றியமைத்த அதிகாரி - அவரது பெயர் திரு. ராகேஷ் மேத்தா, IAS (1975 பேட்ச்).

செயின்ட் ஸ்டீபன்ஸ், ஜேஎன்யு (JNU) மற்றும் லண்டன் ஸ்கூல் ஆஃப் எகனாமிக்ஸ் ஆகியவற்றில் படித்தவர். எம்சிடி (MCD) கமிஷனர், டிடிசி (DTC) தலைவர், மின்சக்தித் துறை செயலாளர், பின்னர் 2007 முதல் 2010 வரை டெல்லியின் தலைமைச் செயலாளர். ஷீலா தீட்சித் அவர்களின் மிகவும் நம்பிக்கைக்குரிய அதிகாரிகளில் ஒருவர். ஊடகங்கள் இவரை கூர்மையான மற்றும் தொலைநோக்கு பார்வை கொண்டவர் என்று அழைத்தன.

அவரது ஒரு சிறிய சைகையில், டெல்லியின் ஒட்டுமொத்த நிர்வாகமே நடுங்கும்.

அத்தகைய ஆளுமையின் கடைசி அத்தியாயம் என்னவாக இருந்தது தெரியுமா?

74 வயதில், நொய்டா, செக்டர்-82 இல் உள்ள கேந்திரா விஹாரில் ஒரு வாடகைFlat-இல் தனியாக வாழ்ந்து வந்தார். டெல்லி கேடரின் ஓய்வு பெற்ற ஐஏஎஸ் அதிகாரியான அவரது மனைவி, மகனுடன் டேராடூனில் இருக்கிறார். மகள் லண்டனில் இருக்கிறார். மகனும் மகளும் வாழ்க்கையில் வெற்றி பெற்று சிறந்து விளங்குகிறார்கள், குடும்பத்தில் எதற்கும் பற்றாக்குறை இல்லை.

செப்டம்பர் 5ஆம் தேதி, [சனிக்கிழமை இரவு] அவர் கடைசியாக தன் மனைவியுடன் தொலைபேசியில் பேசினார். ஞாயிற்றுக்கிழமை, அவர் தொடர்ந்து தொலைபேசியை எடுக்காததால், ஒரு காவலாளி அனுப்பி வைக்கப்பட்டார்.

அவர் எழுதிய ஒரு பக்க கடிதத்தில், அவர் யார் மீதும் குற்றம் சாட்டவில்லை. அவர் எழுதியது இவ்வளவுதான் - இரத்த அழுத்தம் (BP), சர்க்கரை நோய் மற்றும் கை, கால்களில் ஏற்படும் நடுக்கத்தினால் நான் சோர்வடைந்துவிட்டேன்.

டெல்லிக்கான பெரிய முடிவுகளை எழுதிய கைகள், இறுதியில் தங்களின் சொந்த நடுக்கத்துடனேயே போராடிக் கொண்டிருந்தன.

இந்தக் கதை நமக்கு என்ன கற்பிக்கிறது?

மேத்தா சாஹபின் கதை ஒரு தனி அதிகாரியின் கதை மட்டுமல்ல, இது நம் அனைவரின் வரவிருக்கும் கதையாகவும் இருக்கலாம்.

1. பதவிதான் ஓய்வு பெறுகிறது, மனிதன் அல்ல.
   நாம் நம் வாழ்நாள் முழுவதையும் அந்த நாற்காலியையே (பதவியையே) நம் அடையாளமாக மாற்றிக் கொள்கிறோம். நாற்காலி போகும்போது, நாம் நாமே காலியாகிவிட்டது போல் உணர்கிறோம். மேத்தா ஜி போன்ற ஒரு பெரிய அதிகாரி கூட ஓய்வுக்குப் பிறகு 5 ஆண்டுகள் ஒரு வாடகை வீட்டில் தனியாக வாழ வேண்டியிருந்தது என்றால், நாம் என்ன தயாரிப்பு செய்து கொண்டிருக்கிறோம்? நீங்கள் பதவியில் இருக்கும்போதே, அந்தப் பதவிக்கு அப்பாற்பட்ட இரண்டு அல்லது நான்கு உண்மையான உறவுகளையும், அண்டை வீட்டாரையும், நட்பையும் சேமித்து வையுங்கள்.
2. வெற்றிகரமான பிள்ளைகள் மட்டுமே எல்லாம் ஆகிவிட மாட்டார்கள்.
   என் மகன் டேராடூனில் செட்டில் ஆகிவிட்டான், என் மகள் லண்டனில் செட்டில் ஆகிவிட்டாள் என்று நாம் பெருமையாகச் சொல்கிறோம். ஆனால் அந்த செட்டில்மென்டில், நமது முதுமைக்கான துணையும் அடங்குமா? பிள்ளைகள் பறக்கட்டும், ஆனால் உங்கள் முதுமையின் கூட்டை உங்கள் பிள்ளைகளின் வெற்றியை மட்டுமே நம்பி அமைக்காதீர்கள். உங்களுக்கென்று ஒரு சிறிய உலகத்தை உருவாக்குங்கள் - காலை நடைப்பயிற்சி தோழர்கள், மாலை நேர தேநீர், புத்தகங்கள், பஜனைகள் மற்றும் அண்டை வீட்டார்.
3. தனிமைதான் மிகப்பெரிய நோய்.
   மருத்துவர் பிபி மற்றும் சர்க்கரை நோய்க்கு மருந்து கொடுப்பார், ஆனால் தனிமைக்கு மருந்து இல்லை. இன்று நமது பெற்றோர் நம் வீட்டில் உயிரோடு இருக்கிறார்கள், ஆனால் நாம் அவர்களை அழைப்பதைக் கூட தவிர்த்துவிடுகிறோம். எல்லாம் நலமாக இருக்கிறது என்று நாம் நினைக்கிறோம். மக்கள் மேத்தா ஜியையும் அழைத்தார்கள், ஆனால் தினசரி அவருடன் அமர்ந்து பேச யாரும் இருக்கவில்லை.

அதனால்தான் இந்த கட்டுரையின் சாராம்சம் நீங்கள் ஆரம்பத்தில் எழுதியதுதான் -
யாருக்கும் ஒரு முழுமையான உலகம் கிடைப்பதில்லை.
யாருக்கும் ஒரு குறைபாடற்ற உலகம் கிடைக்காது. ஆனால், குறைபாடுகள் உள்ள இந்த உலகத்திலும், இன்று நாமே ஒருவருடன் அமர்ந்து, எந்த காரணமும் இல்லாமல் ஒரு கப் தேநீர் குடித்தால், அந்த குறைபாடுகள் உள்ள உலகமும் முழுமையானதாகத் தோன்றும்.

தொடர்ந்து ஓடுங்கள், ஆனால் சில நேரங்களில் நிறுத்திப் பாருங்கள், உங்களுக்காக யாராவது காத்திருக்கிறார்களா என்று.

சுருக்கம்: நீங்கள் வாழும் இந்த உடலை நன்றாகக் கவனித்துக் கொள்ளுங்கள்.

கணபதி மலரடி..

 

கணபதி திருவடி

அனுதினம் அடிபணி

துயரது இனிஇல்லை-இனி

இன்பமே எனவறி

கஜமுகன் திருமுகம்

கண்டுகளி தினமினி

நிஜமென மருவிடும்-உடன்

வருகிற கனவினி

பரமனின் முதல்மகன்

அடியினை உடன்பணி

பயமது அடங்கிடும்-உடன்

தொடர்ந்திடும் ஜெயமினி

உமையவள் திருமகன்

புகழ்மொழி தினம்படி

நிலைபெறும் நிம்மதி-இனி

நிலைத்திடும் என்றறி

சரவணன் மனம் கவர்

கரிமுகன் பதம்பணி

குறையினி என்றுமில்லை-இனி

நிறைவுதான் எனத்தெளி

தமிழன்னை பாடும் பாட்டு

 தர்பார் மண்டபங்களில்

மன்னனைக்  குளிர்விக்கும்
வெற்றுச் சாமரமாய் இருந்த என்னை

அந்தப் புரங்களில்
மன்னனுக்கு உண்ர்வூட்டும்
ஆண்மை லேகியமாய் இருந்த என்னை

கோவில் சன்னதிகளில்
ஆண்டவனுக்கும் அடியார்களுக்கும்
இடைத் தரகனாய் இருந்த என்னை

குறு நில மன்னர்கள்
வீட்டுத் திண்ணைகளில்
புலவர்கை திருவோடாய் இருந்த என்னை

அடிமையாய்க் கிடந்த என்னை
அடைக்கப்பட்டுக் கிடந்த என்னை
சிறைபட்டுக் கிடந்த என்னை
சிறப்பிழந்துக்  கிடந்த என்னை

கைவிலங்கொடித்துக் காத்தவனே
ஆரியம்போல் பண்டிதர் மொழியாகி
பாழ்பட்டுப்  புதையுண்டுப்  போகாது
பாமரருடன் இணைத்து ரசித்தவனே

தன்னிகரில்லாக்  கவிஞனே
என் தவப்புதல்வனே
உன்னை  இந்நாளில்.                    நினைந்து கொள்வதில்
நானும் மகிழ்வு கொள்கிறேனடா
உன்னைப் புதல்வனாய்ப் பெற்றதற்கு
நாளும் பெருமை கொள்கிறேனடா

SATHEE..(அறியவும் பகிரவும் )

 SATHEE (Self Assessment Test and Help for Entrance Exams) என்பது இந்திய அரசின் கல்வி அமைச்சகம்மற்றும் IIT கான்பூர் இணைந்து உருவாக்கியுள்ள ஒரு மிகச்சிறந்த இலவச ஆன்லைன் கல்வித் தளமாகும்.

பணவசதி இல்லாத அல்லது விலையுயர்ந்த கோச்சிங் சென்டர்களுக்குச் செல்ல முடியாத மாணவர்களும்கூட JEE, NEET போன்ற போட்டித் தேர்வுகளில் எளிதாக வெற்றி பெற வேண்டும் என்ற நோக்கத்தில் இது தொடங்கப்பட்டுள்ளது.

இந்த இணையதளத்தில் இலவசமாக பதிவு செய்து பயிற்சியை பெற்றுகொள்ளலாம். இந்த இணையதளம் மூலம் சுமார் 4.5 லட்சட்த்திற்கும் மேற்பட்டோர் இதுவரை முன்பதிவு செய்து பயிற்சி பெற்று வருகின்றனர். முன்னணி கல்வி நிறுவங்களின் பேராசிரியர்கள் மூலம் இந்த பயிற்சி அளிக்கப்படுகிறது. அடுத்த ஆண்டு உயர்கல்வியை தொடர நுழைவு தேர்வுகளுக்கு தயாராகும் மாணவர்கள் முதல் அரசு வேலைவாய்ப்பிற்கு தயாராகும் இளைஞர்கள் வரை இந்த வாய்ப்பை பயன்படுத்திக்கொள்ளலாம்.

இதன் சிறப்பம்சங்கள் மற்றும் மாணவர்கள் இதை எவ்வாறு பயன்படுத்தலாம் என்பது பற்றி பார்ப்போம்..

❖ இந்தத் தளம் மாணவர்களுக்கு எப்படிப் பயன்படுகிறது? 

⊛ இலவச உயர்தரக் கல்வி: JEE, NEET, CUET, SSC, Banking, CLAT, RRB போன்ற பல்வேறு நுழைவுத் தேர்வுகளுக்கான கோச்சிங் முற்றிலும் இலவசமாக வழங்கப்படுகிறது.

⊛ என்சிஆர்டி பாடத்திட்ட புத்தகங்கள் முதல் வினாத்தாள், மாடல் தேர்வு முறை ஆகியவை வரை இந்த இணையதளத்தில் கொடுக்கப்பட்டுள்ளது.

⊛  தமிழ் மொழியிலும் படிக்கலாம்: தமிழ் உட்பட இந்தியாவின் 13 முக்கிய மொழிகளில் இந்தத் தளம் வடிவமைக்கப்பட்டுள்ளது. தமிழ்நாட்டு மாணவர்கள் தங்கள் தாய்மொழியிலேயே பாடங்களைக் கற்றுக்கொள்ளலாம்.

⊛  IIT மற்றும் AIIMS நிபுணர்களின் வழிகாட்டுதல்: இதில் உள்ள வீடியோக்கள் மற்றும் பாடத்திட்டங்கள் அனைத்தும் IIT மற்றும் AIIMS போன்ற இந்தியாவின் முதன்மை நிறுவனங்களின் பேராசிரியர்கள் மற்றும் மாணவர்களால் தயாரிக்கப்பட்டவை.

⊛  சந்தேகங்களைத் தீர்க்கும் வசதி: தினமும் காலை 10 மணி முதல் மாலை 6 மணி வரை மாணவர்கள் தங்களுக்கு ஏற்படும் சந்தேகங்களை ஆன்லைன் ஃபோரம் மூலம் கேட்டுத் தெரிந்து கொள்ளலாம்.

⊛  மாதிரித் தேர்வுகள் (Mock Tests & AI Tools): உண்மையான தேர்வு எப்படி இருக்குமோ அதே போன்ற ஆன்லைன் மாதிரித் தேர்வுகள் மற்றும் AI தொழில்நுட்பம் மூலம் இயங்கும் சுயமதிப்பீட்டு கருவிகள் இதில் உள்ளன.

⊛ மத்திய அரசு பணிகளுக்கும் பயிற்சி :

மத்திய அரசு பணியாளர் தேர்வாணையம் மூலம் நடத்தப்படும் தேர்வுகள் (SSC) மற்றும் வங்கி (IBPS) பணிக்கான போட்டித் தேர்வுகளுக்கும் பயிற்சி வழங்கப்படுகிறது. மேலும், ICAR தேர்விற்கும் பயிற்சி அளிக்கப்படுகிறது.

❖ மாணவர்கள் இதை எவ்வாறு அனுகுவது? 

மாணவர்கள் இந்த வசதியைப் பயன்படுத்த இரண்டு வழிகள் உள்ளன.. 

1. SATHEE இணையதளத்திற்குச் ( sathee.iitk.ac.in ) சென்று பயன்படுத்துதல்

2. SATHEE செயலியைப் பதிவிறக்கம் செய்து பயன்படுத்தலாம்.

உங்களது மொபைல் அல்லது கணினியில் sathee.iitk.ac.in என்ற இணையதளத்திற்குச் செல்லவும். அல்லது கூகுள் பிளே ஸ்டோரில் இருந்து SATHEE Mobile App-ஐ பதிவிறக்கம் செய்துகொள்ளலாம்.

❖ மாணவர்கள் இதை எவ்வாறு பயன்படுத்துவது? 

⊛ மொழியைத் தேர்ந்தெடுத்தல் 

முதலில் இணையதளத்தின் மேல் பகுதியில் உள்ள மொழிப் பட்டியலில் "தமிழ்" என்பதைத் தேர்ந்தெடுக்கவும். இதனால் பாடங்கள் மற்றும் வழிமுறைகள் தமிழிலேயே உங்களுக்குக் கிடைக்கும்.

⊛  கணக்கு உருவாக்குதல் 

"Login/Register" என்பதை கிளிக் செய்து, மாணவரின் பெயர், மொபைல் எண், மின்னஞ்சல் மற்றும் நீங்கள் தயாராக தேர்வு/ நுழைவுதேர்வின் பெயர் தேர்வு போன்ற ஆகிய விவரங்களை உள்ளிட்டு இலவசமாகப் பதிவு செய்துகொள்ளவும்.

❖ பாடங்களைக் கற்றல்

பதிவு செய்த பிறகு, தினசரி நேரலை வகுப்புகள் (Live Lectures) அல்லது ஏற்கனவே பதிவு செய்யப்பட்ட வீடியோக்களைப் (Recorded Lectures) பார்த்து படிக்கத் தொடங்கலாம்.

❖ பயிற்சி மற்றும் தேர்வுகள் 

ஒவ்வொரு பாடத்திற்கும் வழங்கப்படும் 'தினசரி பயிற்சி வினாக்களை' சால்வ் செய்து பழகவும். வாராந்திர மற்றும் மாதாந்திர மாதிரித் தேர்வுகளை எழுதி உங்களது கற்றல் நிலையைச் சரிபார்க்கவும்.

SATHEE-யுன் கூடுதல் சிறப்புகள் (Value-added Features)

⊛ NCERT Solutions: பள்ளிப் பாடப் புத்தகங்களான NCERT (9 முதல் 12 ஆம் வகுப்பு வரை) புத்தகங்களின் கணக்குகள் மற்றும் அறிவியல் கேள்விகளுக்கான வீடியோ விளக்கங்கள் இதில் உள்ளன.

⊛ முந்தைய ஆண்டு வினாத்தாள்கள் (PYQs): கடந்த ஆண்டுகளில் கேட்கப்பட்ட JEE மற்றும் NEET வினாத்தாள்கள் தீர்வுகளுடன் கிடைக்கின்றன.

⊛ தனியார் பயிற்சி மையங்களுக்கு லட்சக்கணக்கில் பணம் செலுத்த முடியாத கிராமப்புற மற்றும் பின்தங்கிய மாணவர்களுக்கு இந்த SATHEE தளம் ஒரு வரப்பிரசாதமாகும்.

⊛ கூடுதல் தகவல்களுக்கு: https://sathee.iitk.ac.in

நான் எழுதாத கவிதை..

 

என் கவிதைகள்

கவிதை எழுத
எழுத்தைத் தேடவில்லை நான் —
என்னைச் சுற்றி
நடந்தவற்றைப் பார்த்தேன்;
எழுத்துக்கள்
தானாகவே வந்தன!

மலரைப் பார்த்தால்
மலரென்று மட்டும்
சொல்ல மனமில்லை;
அதைப் பறிக்காமல்
ரசிக்கும் மனம் எங்கே?
என்று கேட்கிறது
என் கவிதை!

குழந்தை சிரித்தால்
சொர்க்கம் எங்கே என்று
தேடவில்லை;
அந்தச் சிரிப்புக்குள்
சொர்க்கம் இருப்பதை
சொல்லிவிடுகிறது
என் கவிதை!

மதம் மனிதனை
இணைக்க வந்ததா?
பிரிக்க வந்ததா?

உண்மை சொன்னால்
கேட்பவர் குறைவு;
பொய்யை
மீண்டும் மீண்டும் சொன்னால்
நம்புவோர் அதிகம்!

இதையும் பார்த்து
சும்மா இருக்க முடியாமல்
ஒரு கேள்வியாகி நிற்கிறது
என் கவிதை!

நடுத்தர மனிதன் —
மேலே பார்த்தால்
அதிகாரத்தின் நிழல்;
கீழே பார்த்தால்
வறுமையின் நிழல்;
நடுவில் நின்றவனுக்கு
திசை எது?

அவனுடைய
மௌனத்திற்கும்
ஒரு குரல் உண்டு —
அதுதான்
என் கவிதை!

சொல்லத் தெரிந்ததெல்லாம்
கவிதையா?

சொல்லாமல்
உணர்த்துவதுதானே
கவிதையா?

என்று
என்னையே கேட்கும்போது
பிறக்கிறது
மற்றொரு கவிதை!

எதுகை தேடினேன் —
உணர்வு கிடைத்தது.

மோனை தேடினேன் —
மனிதன் கிடைத்தான்.

உவமை தேடினேன் —
வாழ்க்கை கிடைத்தது.

அர்த்தம் தேடினேன் —
கேள்வி மட்டுமே
கிடைத்தது!

அந்தக் கேள்வியைத்தான்
உங்களிடம்
கொடுத்துவிட்டு
நான் நகர்கிறேன்.

என் கவிதைகளில்
நான் இல்லை என்று
சொல்ல முடியாது;

ஆனால்
நான் மட்டுமே
இருக்கிறேன் என்றும்
சொல்ல முடியாது.

நான் பார்த்த மனிதர்களும்,
நான் கேட்ட வார்த்தைகளும்,
நான் சந்தித்த முரண்பாடுகளும்,
நான் மறக்க முடியாத
சில நினைவுகளும் —
எல்லாம் சேர்ந்துதான்
என் கவிதை!

கவிதை
என்னுடையதா?

என்னால் எழுதப்பட்டதா?

அல்லது
என்னை எழுத வைத்த
வாழ்க்கையுடையதா?

பதில் தெரியவில்லை.

ஆனால்
ஒரு விஷயம் மட்டும் தெரியும் —

உணர்ந்ததை
உள்ளுக்குள் வைத்துக்கொள்ள முடியாதபோது
வெளியே வந்த சொற்கள்தான்
என் கவிதைகள்!

அவை
உங்களுக்கு கவிதையாகத் தோன்றினால்
அது உங்கள் பார்வை;

கேள்வியாகத் தோன்றினால்
அது உங்கள் மனம்;

சிந்தனையாகத் தோன்றினால்
அது உங்கள் பயணம்.

எனக்கோ —

அவை
நான் வாழ்ந்த
சில தருணங்களின்
சொல்லப்பட்ட சுவடுகள்!                             ( என் கவிதைகள் குறித்து என் பாணியில் ஒரு கவிதை எழுதித் தர AI யிடம் கேட்டபோது ஒரு நொடியில் அது எழுதிக் கொடுத்த கவிதை )