Friday, December 24, 2021

வாழ்த்துவோம்..வளம் பெறுவோம்..

 எதிர்படும் எல்லோருக்கும்

வாழ்க வாழ்க வென்று
வாழ்த்துச் சொல்லியபடி நகர்கிறேன்

அதுவரை
வாட்டமுற்றிருந்த முகமெல்லாம்
மலரத் துவங்குகிறது

அதுவரை
மலர்ந்திருந்த முகமெல்லாம்
கூடுதல் அழகு பெறுகிறது

எதிர்படும் எல்லோரையும்
வெல்க வெல்க வென்று
உற்சாகப்படுத்திச் செல்கிறேன்

அதுவரை
துவண்டு கிடந்தவர்கள் எல்லாம்
துள்ளி எழத் துவங்குகிறார்கள்

அதுவரை
ஜெயித்து கொண்டிருந்தவர்கள்  எல்லாம்
கூடுதல் எழுச்சி கொள்கிறார்கள்

"இதனால் உனக்கென்ன நன்மை "
எரிச்சல்படுகிறான் நண்பன்

வரவேற்பாளராய் இருந்து
சந்தனமோ பன்னீரோ தெளித்துப் பார்
அதிக மணம் உன் மேல்தான் இருக்கும் என்கிறேன்

மிகச் சரியாக புரியாது விழிக்கிறான்
எப்போதும் வாழ்த்தப் படுவதையே விரும்பும் அவன்

6 comments:

Janaka said...

அருமை ஐயா வாழ்க,தமிழ்..

கவியாழி said...

வாழ்க மகிழ்ச்சியுடன்

Jayakumar Chandrasekaran said...

மகிழ்ச்சியுடன் வாழ்த்து கூறுவதால் நாம் குறைந்தா போய் விடுவோம். கூறும் வாழ்த்துகளில் சிலவாவது நமக்கு திரும்பும். 

Jayakumar

டி.என்.முரளிதரன் -மூங்கில் காற்று said...

அருமை
//வரவேற்பாளராய் இருந்து
சந்தனமோ பன்னீரோ தெளித்துப் பார்
அதிக மணம் உன் மேல்தான் இருக்கும் என்கிறேன்//
அற்புதமான வரிகள்

ஸ்ரீராம். said...

Passing energy; Positive energy.

Thulasidharan V Thillaiakathu said...

மகிழ்வுடன் வாழ்த்துதல் என்பது மிக மிக நேர்மையான விஷயம். அதன் ஆற்றல் அளப்பரியது

கீதா

Post a Comment