Thursday, December 30, 2021

வளரட்டும் உயரட்டும் நிலைக்கட்டும்

 தளரட்டும் உடையட்டும் ஒழியட்டும தடையெனவே கிடந்தவைகள் எல்லாமே

வளரட்டும் படரட்டும் செழிக்கட்டும்  
வாழ்விற்கு வளம்சேர்க்கும் எல்லாமே

நகரட்டும் விலகட்டும் மறையட்டும்
சுமையெனவே துயர்தந்த எல்லாமே
பரவட்டும் தொடரட்டும் பலம்பெறட்டும்
நல்லோர்க்கு நலம்சேர்க்கும் எல்லாமே

உடையட்டும் நொறுங்கட்டும் சிதறட்டும்
பொய்மைக்குத் துணைப்போன எல்லாமே
நிறையட்டும்  நிமிரட்டும் வலுக்கட்டும்
உண்மைக்கு வலுசேர்க்கும் எல்லாமே

கிழியட்டும் எரியட்டும் அழியட்டும்
கீழ்மைக்குத் துதிபாடும் எல்லாமே
வளரட்டும் உயரட்டும் நிலைக்கட்டும்
உன்னதத்தின் எழில்கூட்டும் எல்லாமே (அனைவருக்கும் இனிய புத்தாண்டு நல்வாழ்த்துகள்.)

6 comments:

ஸ்ரீராம். said...

சிறப்புகள் பெருகட்டும்.

Jayakumar Chandrasekaran said...

டும் டும் டும். 21 ஐ தொலையட்டும் என்று வழியனுப்பி 22ஐ நம்பிக்கையுடன் வரவேற்கும் இன்றைய கவிதை பாரதியாரையும் (நிற்பதுவே...) நினைவூட்டியது.

அருமை.

Jayakumar

திண்டுக்கல் தனபாலன் said...

அருமை...

முதல் இரண்டிரண்டு வரிகள் போல் மற்றவைகளும் இருப்பதே நல்லது...

நடுவில் உள்ள இரு வரிகளை மட்டும் படித்தால்...

...

அடடே...! சில வருட நம் நாடு நடப்பு...!

ஹா...ஹா...

Bhanumathy Venkateswaran said...

சிறப்பான வேண்டுதல்! வாழ்க வளமுடன்

Thulasidharan V Thillaiakathu said...

நல்ல டும்டும்டும் அனைத்தும் பெருகிடட்டும்! 2022லும் 2022லிருந்தும்.

கீதா

dhanampathivugal. said...

🙏👌

Post a Comment