Thursday, December 17, 2015

இனிய பயணமே வாழ்க்கை

சங்கடங்களைச் சந்திக்க
 சங்கடப்படுவோன்....

சுகச் சூழல் விடச்
சஞ்சலப்படுவோன்....

சராசரித்தனம் தாண்டச்
 சாத்தியமே இல்லை

நினைவு அலையின்   மடியிலேயே
முழுமனம் பதித்தவன்...

அடி ஆழம் செல்ல
அச்சப்படுபவன்....

சாதனை முத்தெடுக்கச்
சத்தியமாய் வாய்ப்பே இல்லை

சூழல் மறந்த
நேர்ச்சிந்தனையும்

இழப்புகளைத் தாங்கும்
 மனவலிமையும்

கொண்டவனே
 சிகரத்திற்குப் பாத்தியப்பட்டவன் 

ஒவ்வொரு நாளையும்
புதிய நாளாகவே  கொள்வதும்

ஒவ்வொரு செயலையும்
புதிதெனச்  செய்தலுமே

தொடர்ந்து வெல்வதற்கான
கம்ப  சூத்திரம்

இழந்தவைகளையும்
கடந்தவைகளையும்
கனவெனவே  கொள்வோம் வா

நடப்பதையும்
நடக்க இருப்பதையும்
நினைவினில் கொள்வோம் வா

வெற்றியும் சாதனையும்
நாம் அடையும் இலக்கல்ல
கடக்க  ஒரு குறியீடு  அவ்வளவே

தொடர்ந்து  குறியீடுகள் கடப்பதில்
கவனம் கொள்வோம்  வா வா

 இனிய பயணமே வாழ்க்கை
இரசித்துப்  பயணிப்போம் வா வா



9 comments:

வை.கோபாலகிருஷ்ணன் said...

//வெற்றியும் சாதனையும் நாம் அடையும் இக்கல்ல கடக்க ஒரு குறியீடு அவ்வளவே .... இனிய பயணமே வாழ்க்கை இரசித்துப் பயணிப்போம் வா வா//

காலையில் அருமையான இனிமையான சிந்தனைகளைத் தூண்டியுள்ள பகிர்வுக்கு நன்றிகள்.

Dr B Jambulingam, Assistant Registrar (Retd), Tamil University said...

நல்ல நேர்மறைப் பதிவு.

kowsy said...

வெற்றியும் சாதனையும்
நாம் அடையும் இலக்கல்ல
கடக்க ஒரு குறியீடு அவ்வளவே.இனிய பயணமே வாழ்க்கை
இரசித்துப் பயணிப்போம் வா
அற்புதமான சிந்தனை

Nagendra Bharathi said...

அருமை

Thulasidharan V Thillaiakathu said...

வெற்றியும் சாதனையும்
நாம் அடையும் இலக்கல்ல
கடக்க ஒரு குறியீடு அவ்வளவே

தொடர்ந்து குறியீடுகள் கடப்பதில்
கவனம் கொள்வோம் வா வா

இனிய பயணமே வாழ்க்கை
இரசித்துப் பயணிப்போம் வா வா//

சிறப்பான கருத்து...

நிஷா said...

வெற்றியும் சாதனையும் நமது இலக்கல்ல!நிஜம் தான்.

Yarlpavanan said...

"வெற்றியும் சாதனையும்
நாம் அடையும் இலக்கல்ல
கடக்க ஒரு குறியீடு அவ்வளவே" என்பது

உண்மை! உண்மை! உண்மை!

http://www.ypvnpubs.com/

அப்பாதுரை said...

வலைப்பக்கம் அடிக்கடி வரமுடியாமற் போனதன் இழப்பு - இத்தகைய எண்ணங்களைப் படிக்கும் வாய்ப்பு.

சராசரித்தனம் தாண்டச் சாத்தியமே இல்லை - சுற்றிச் சுற்றி வருகிறது.

கவிஞர்.த.ரூபன் said...

வணக்கம்
ஐயா
சொல்லிய உண்மையான வரிகள் வாழ்த்துக்கள்
-நன்றி-
-அன்புடன்-
-ரூபன்-

Post a Comment