ஊரை எரிக்கும் நீர்

தீர்ப்பு வந்ததும்
நிறைந்த மனத்தோடு
அணையைத் திறக்காது
கனத்த மனத்தோடு
வெறுப்பைத் திறந்தததால்

இயற்கைக்கு முரணாய்
ஊரை எரித்துப் போகிறது
என்றும் எப்போதும்
இணைத்தே மகிழ்ந்த நீர்
அணைத்தே பழகிய நீர்

எங்கள் இயல்புக்கு மாறாய்
தீ ஒன்றே தீயை அணைக்குமோ
என்னும் விஷத்தினை
எம்முள் விதைத்தபடியும்
அதனைப் புயலாய் வளர்த்தபடியும்

விளைவது கண்டேனும்
இதயக் கனம் குறைப்பீர்
இந்தியாவின்
நலம் கருதி மட்டுமன்றி
உங்கள் நலன் கருதியேனும்